Nur-Sultan qalasynyń turǵyndary jeke qarajattary esebinen óz esimderi jazylǵan kóshe oryndyqtaryn ornatyp jatyr, dep habarlaidy "Ult aqparat" elorda ákimdigine silteme jasap.
Málim bolǵandai, oryndyqtardy syilyq retinde de ornatýǵa bolady.
Saryarqa aýdany ákimdiginiń Facebook-tegi resmi paraqshasynda habarlanǵandai, Nur-Sultanda iesi jazylǵan oryndyqtardy ornatý jobasy áli de jalǵasady.
«Qalanyń kez kelgen turǵyny nemese uiymy ataýly taqtaishasy bar demalýǵa arnalǵan oryndyqty ornatý múmkindigine ie. Saryarqa aýdanynyń ákimdigi sizderge jaǵajai, saiabaqtar jáne aýdan kóshelerinen oryn usyna alady», - delingen habarlamada.
Joba kýratory, Saryarqa aýdany ákimi apparatynyń kommýnaldyq sharýashylyq bóliminiń basshysy Jasulan Baǵisov atap ótkendei, búginde aýdan aýmaǵynda segiz myńǵa jýyq ataýly oryndyq bar. Olardy uiymdar men jeke tulǵalar ornatqan. Mundai otyrǵyshtardy bireýler - qalaǵa, taǵy bireýler dosynyń týǵan kúnine syilaýda. Osyndai ádispen ǵashyqtyq sezimin bildirip jatqandar da bar eken.
