«Qazaqstan» arnasyndaǵy «Niet» baǵdarlamasynda kópbalaly anaǵa eki baspana syiǵa tartyldy, dep habarlaidy "Ult aqparat" telearnanyń baspasóz qyzmetine silteme jasap.
Bes balaly jalǵyzbasty ana, ekinshi toptaǵy múgedek Zúlfiia Jumabaeva baǵdarlamaǵa kómek surap habarlasqan. Onyń panalaityn turaqty baspanasy bolmaǵan.
«Osyǵan deiin demeýshilerdiń, qaiyrymdy jandardyń kómegimen kún kórip jatyrmyz. Balalardyń kúndelikti qajettiligin zeinetaqyǵa alamyn. Muqtajdyǵymyz – tek baspana», - degen kópbalaly anaǵa tikelei efirde Astana mańyndaǵy Qoiandy aýylynyń turǵyny habarlasyp, eki bólmeli páter syilaitynyn aitty. Bul baǵdarlama ujymy úshin de, kómek surap kelgen kópbalaly ana úshin de kútpegen jaǵdai boldy. Odan bólek, «Qareket» qaiyrymdylyq qorynyń ókilderi úsh bólmeli baspananyń kiltin tabystady», - delingen baspasóz qyzmetiniń habarlamasynda.
Sonymen birge, eki saǵat tikelei efirde júretin baǵdarlamaǵa 80-ge jýyq adam qońyraý shalyp, Zúlfiia Jumabaevaǵa qarjylai kómek usyndy. Efir barysynda kópbalaly ananyń densaýlyǵyna meditsinalyq tekseris qajet ekeni aitylǵan. Bul máseleni «Niet» jobasynyń sarapshylar quramyndaǵy mamandar nazarǵa almaq.
Aita keteiik, kúzgi telemaýsymda «Qazaqstan» Ulttyq arnasy áleýmettik baǵyttaǵy «Niet» baǵdarlamasyn kórermen nazaryna usyndy. Tikelei efirde ótetin árbir habar belgili bir adamnyń, otbasynyń máselesine arnalyp, arnaiy sarapshylardyń aqyl-keńesimen sheshimin tabady.
