QR Ekologiia, geologiia jáne tabiǵi resýrstar ministrliginiń Orman sharýashylyǵy jáne janýarlar álemi komitetiniń baspasóz qyzmeti Nur-Sultan qalasyndaǵy Kishi Taldykól aýmaǵynan tabylǵan ólý aqqý týraly túsinik berdi, dep habarlaidy QazAqparat.
Áleýmettik jelide Kishi Taldykólden óli aqqý tabylǵany týraly video taraǵan bolatyn. Kadr syrtyndaǵy daýys óli aqqýdyń janynda tas kesekteri jatqanyn, olardyń muzdyń betinde jatqanyna qarap, aqqýdy taspen atqan bolýy kerek degen boljam aitady.
Janýarlar álemine jaýapty mamandardyń aitýynsha, óli aqqýdyń denesinde qastandyq belgileri bolmaǵan jáne ol epizootikalyq qaýipsizdik sharalary boiynsha zalalsyzdandyrylǵan.
«Keshe Aqmola aýmaqtyq inspektsiiasynyń inspektory Dastan Ahmetov pen jasyl beldeýdi damytý jáne profilaktikalyq dezinfektsiia bóliminiń basshysy A.S.Jańataev «Astana ormany» inspektorlarymen birge qoqiqaz izdeý kezinde ózennen óli aqqýdy tapty. Mamandar óli qusty tekserý kezinde oqtyń izderi men basqa da zaqym bolmaǵan. Qustyń óli denesi aýrý taralýyn boldyrmaý úshin qoldanystaǵy zańnama boiynsha joiyldy», - dedi komitettiń baspasóz qyzmetinen.
