Ulttyq tabiǵi saiabaqtardy lastaǵan jeke tulǵalarǵa qoldanylatyn jaza qanshalyqty kúsheitilmek? Ortalyq kommýnikatsiialar qyzmetinde ótken brifingide QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komiteti tóraǵasynyń orynbasary Daniiar Turǵanbaevqa osyndai saýal qoiyldy, dep habarlaidy QazAqparat.
«372-bap boiynsha Ulttyq saiabaqtardy lastaǵan adamdarǵa 10 AEK (29 170 teńge – red.) kóleminde aiyppul qarastyrylǵan. Jazany kúsheitý sharalarynan keiin onyń kólemi 20 AEK (58 340 teńge – red.) bolady. Al bir jyldyń ishinde qaitalap zań buzatyn bolsa, jeke tulǵalar úshin aiyppul kólemi taǵy eki ese kóbeiedi», - dedi Orman sharýashylyǵy jáne janýarlar dúniesi komiteti tóraǵasynyń orynbasary Daniiar Turǵanbaev.
Condai-aq, ol elordadaǵy Botanikalyq baq aýmaǵynda sport keshenin salý máselesi qarastyrylyp jatpaǵanyn atady.
«Dál qazir ondai másele kún tártibinde turǵan joq», - dedi ministrlik ókili.
