Elordadaǵy jol boiynda bolǵan tóbeles úshin júrgizýshiler jazalandy, dep habarlaidy "Ult aqparat" Nur-Sultan qalasy Politsiia departamentiniń baspasóz qyzmetine silteme jasap.
Monitoring barysynda Bógenbai batyr dańǵyly boiynda «Gazel» jáne «Mersedes» markaly avtokólikteriniń júrgizýshileri arasynda bolǵan tóbeles faktisi anyqtaldy.
Júrgizýshilerdiń bir-birine jol bermei, ersi áreketter kórsetýi janjaldyń týyndaýyna sebep bolǵan. Tóbeleskenderdiń barlyǵy anyqtalyp, politsiiaǵa jetkizildi.
Atalǵan fakti boiynsha «Buzaqylyq» baby negizinde qylmystyq is qozǵaldy.
Nur-Sultan qalalyq politsiia departamenti júrgizýshilerdi qoǵamdyq tártipti buzbaýǵa, apatty jaǵdai týǵyzbaýǵa jáne kólik quraldarynyń qozǵalysyna kedergi keltirmeýge shaqyrady.
