Elordada Kókshetaý baǵytyndaǵy jolda eki jolaýshysy bar kólik shuńqyrǵa túsip ketti. Kýágerler oqiǵany videoǵa túsirip, áleýmettik jelige taratqan. «QazAvtoJol» AQ apatqa qatysty túsinik berdi, dep habarlaidy "Ult aqparat".
Kýágerler jol-kólik oqiǵasynyń joldaǵy eskertý belgileriniń bolmaýymen túsindirýde. Alaida, «QazAvtoJol» UK» AQ munymen kelispeitinin aityp, eskertý belgileri qoiylǵan videony túsirgen.
«Shuńqyrǵa qulap ketken kólik Kókshetaý qalasyna qarai bara jatqan. Ol jol jóndeý jumystary týraly belgige mán bermegen. Birinshi belgi: jol jóndeý jumystary. Ekinshi belgi: jyldamdyq shegi 50 shaqyrym, basyp ozýǵa tyiym salynǵan. Úshinshi belgi: jyldamdyq shegi 30 shaqyrym. Keiin ainalyp ótý belgisi qoiylǵan, ári qarai bloktar, kirpish pen qozǵalys baǵyty belgisi bar. Belgilerdiń ara qashyqtyǵy 150 metr. Bul ýchaskede jańa sý ótkizý qubyrlary ornatylyp jatyr, jóndeý jumystary kelesi jyldyń qazanyna deiin jalǵasady. Kólikte eki adam bolǵan. Olar zardap shekken joq. Bul ýchaskedegi belgiler 27 qazanda qoiylǵan», - dep habarlady «QazAvtoJol» UK» AQ.
