6-8 qyrkúiek kúnderi Nur-Sultan qalasynda «jasyl» tehnologiialarǵa arnalǵan innovatsiialyq baiqaý ótti. Bul týraly «Astana Innovations» AQ-nyń baspasóz qyzmeti habarlady.
«Startup weekend: GreenTech» baiqaýy – innovatsiialyq jobalardy qoldaý maqsatynda ótkizilip otyrǵan aýqymdy sharalardyń biri.
«Baiqaýda jeke menshik sektorǵa arnalǵan jylytý júiesi, QTQ qaita óńdeý, aǵyn sýlardy tazalaý jáne qaitalama paidalaný máseleleri, turǵyn jáne óndiristik jailarda energiiany tutynýdy tómendetý, SO2 tutý jáne saqtaý, kólikter shyǵaratyn paidalanylǵan gazdy azaitý, energiianyń balama kózderi, kóshelerdi jaryqtandyrý taqyryptary tóńiregendegi túitkildi máselelerdi sheshý maqsatynda «jasyl» tehnologiialar tanystyryldy», – delingen habarlamada.
Baiqaýǵa Pavlodar, Qostanai, Almaty, Aqtóbe, Aqtóbe, Oral, Qaraǵandy, Petropavl qalalarynan jalpy sany 4500-den astam adam qatysyp, jasyl tehnologiialar boiynsha innovatsiialyq jobalar usyndy. Onyń ishinde 75 joba resmi tirkelip, 12 komanda ǵana finalǵa shyqty. Al júldeli oryn 3 jobaǵa buiyrdy. Olar: «Ekokorm» jobasy (Qoǵamdyq mańyzdy bastamalardy damytý qorynan arnaiy júlde 500 000 tg.), Hydro Plat jobasy («Astana Innovations» AQ atynan 300 000 myń teńgege sertifikat), Jel magnitti týrbinasy jobasy («Halyqaralyq jasyl tehnologiialar jáne investitsiialyq jobalar ortalyǵy» KEAQ-nyń arnaiy júldesi 200 000 myń teńgege sertifikat).
Sonymen qatar, is-shara sheńberinde sheteldik jáne jergilikti mentorlarmen birlesken oqytý sessiialary uiymdastyryldy.
«Startup weekend: GreenTech» jobasy Nur-Sultan qalasy ákimdiginiń bastamasymen, «Astana Innovations» AQ uiymdastyrýymen, sondai-aq Halyqaralyq jasyl tehnologiialar jáne investitsiialyq jobalar ortalyǵynyń jáne qoǵamdyq mańyzy bar bastamalardy damytý Qorynyń qoldaýymen júzege asyp otyr.
Aita ketcek, «Tsifrlyq Qazaqstan» memlekettik baǵdarlamasyna sáikes, kóshelerdi jaryqtandyrý, energiianyń balama kózderin taýyp, shyǵyn kólemin qysqartý jumystary júzege asýda.
