Búgin elordada "JANUIa" atty otbasy institýtyn qoldaý ortalyǵy ashyldy.
"Januia" ortalyǵy "bir tereze" qaǵidaty boiynsha qala turǵyndaryna kórsetiletin memlekettik qyzmetterdi biriktirip, otbasylarmen jeke jumys júrgizedi. Atalmysh ortalyq astanalyq otbasylarǵa zańgerlik, psihologiialyq jáne áleýmettik kómek kórsetedi.
Ortalyqtyń ashylýyna QR vitse-premeri Berdibek Saparbaev pen Nur-Sultan qalasynyń ákimi Altai Kólginov keldi.
«Memlekettik organdar halyqqa, ásirese otbasylarǵa qyzmet etýi kerek. Múmkindiginshe otbasylar barlyq kómekterdi bir jerden alýy kerek. Búgin elordada alǵash ret otbasylarǵa qyzmet kórsetetin ortalyq ashyldy. Nur-Sýltan qalasynyń ákimi Altai Kólginov demeýshilerdi, kásipkerlerdi tartyp, barlyǵy 100 million teńgege qajetti qural-jabdyqtarmen jóndeýden ótkizdi. Munda «bir tereze» qaǵidasy boiynsha 50-den astam memlekettik qyzmet kórsetiledi. Qyzmetter barlyq túrlerge usynylady. Mysaly, bilim berý, densaýlyq saqtaý. Qosymsha konsýltatsiialar, biznes-treningter uiymdastyrylady. Sondai-aq, biz azamat óziniń jeke kásibin ashýǵa múmkindik alýy kerek», - deidi vitse-premer Berdibek Saparbaev.
Ortalyqtyń "Open space" alańy barlyq qajetti qyzmetterdi biriktiredi. Atap aitqanda, astanalyq turǵyndarǵa jumys tabý, júzege asyrylyp jatqan memlekettik baǵdarlamalar boiynsha naqty jáne tolyq aqparat alý múmkindigi beriledi.
Sondai-aq, qoǵamdyq densaýlyq saqtaý, bilim berý, turǵyn úi alý máseleleri, biznesti ashý jáne memlekettik qoldaý alý, jumysqa ornalastyrý máseleleri boiynsha qadamdyq jáne júieli keńes nemese kómek kórsetedi. Ortalyqta 12 memlekettik jáne kvazimemlekettik sektor jumys isteidi, olar 70-ten astam qyzmet kórsetedi.
Atap aitqanda, ortalyq mamandary qala turǵyndaryna AÁK alý, kásiptik oqýdan ótý, jumysqa ornalastyrý, jappai oqytý baǵdarlamasyna qatysý, balabaqshaǵa kezekke qoiý, qamqorshylyqty ornatý, járdemaqylardyń barlyq túrlerin jáne t. b. alý máseleleri boiynsha qyzmet kórsetetin bolady.
Munda "Kásipker ana" dep atalatyn analarǵa arnalǵan, olardyń biznesin damytý jónindegi qoldaý ortalyǵy da ornalasqan. Onyń mamandary kópbalaly jáne az qamtylǵan otbasylarǵa óz kásibin ashýǵa jan-jaqty kómek kórsetetin bolady.
Osy jumys aiasynda, munda óziniń ómirlik tájiribelerimen bólisetin tabysty "Self made" áielderimen motivatsiialyq biznes treningter ótedi.
Sonymen qatar, ortalyqta qala ákiminiń ashyq qoǵamdyq qabyldaýy jumys isteidi, sondai-aq azamattardy qabyldaýdy aýdan ákimderi, basqarmalar men basqa da uiymdardyń basshylary bekitilgen kestege sáikes júrgizetin bolady.
Ortalyq dúisenbiden jumaǵa deiin saǵat 9.00-den 18.00-ge deiin jumys isteidi.
