Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qisyqova qalada koronavirýs infektsiiasyna qatysty jaǵdai týraly aitty, dep habarlaidy "Ult aqparat".
«Biylǵy 24 maýsymdaǵy jaǵdai boiynsha elordada infektsiianyń 3546 jaǵdaiy tirkeldi. Sońǵy jeti kúnde táýligine ortasha eseppen koronavirýs infektsiiasynyń 150 jańa oqiǵasy tirkelýde. Onyń ishinde 50 paiyzy simptomsyz jaǵdaida. 2577 patsient nemese aýyrǵandardyń 73 paiyzy emdelip shyqty, sońǵy táýlikte 76 adam», - dedi S. Qisyqova Ortalyq kommýnikatsiialar qyzmetinde.
Budan buryn habarlanǵandai, basqarma basshysy elordada jedel járdem qyzmetine júkteme artqanyn aitty.
Aptasyna turǵyndardan 28 myń ótinish kelip túsken. Sońǵy táýlikte bul kórsetkish 4,5 myńǵa deiin jetti. Qyzmet kórsetilgen shyqyrýlardyń sany 18 myńǵa jýyqtap, keshe 2,8 myń boldy. Sonyń ishinde aptasyna koronavirýs juqpasyna bailanysty 4 438 qońyraý shalyndy. Keshe 1300 shaqyrtý boldy», - dedi S. Qisyqova Ortalyq kommýnikatsiialar qyzmetinde.
