Nur-Sultan qalalyq jastar saiasaty máseleleri basqarmasynyń bastamasymen Qazaqstan Táýelsizdiginiń 30 jyldyq mereitoiy aiasynda «Táýelsizdiktiń tól qurdastary» jobasy iske qosyldy.
Joba aiasynda búgin jastar az qamtylǵan otbasylardy azyq-túlikpen qamtamasyz etti, dep habarlaidy QazAqparat.
«Qazaqstan Táýelsizdigi qurdastarynyń atynan birinshi is-sharamyzdy bastap jatyrmyz. Búgin 20-ǵa jýyq otbasyn azyq-túlik paketimen qamtamasyz ettik. Onyń quramynda un, suiyq mai, shai, makoron ónimderi, kámpit-pechene syndy azyq-túlik bar. Olardy óz qarajatymyzǵa satyp aldyq. Osy igi is-sharamyzdy ár aptada jalǵastyrý oiymyzda bar», - dedi joba qatysýshysy, Qazaqstan Táýelsizdiginiń qurdasy Erjan Sansyzbaev.
Sonymen qatar ol elordada turyp jatqan Qazaqstan Táýelsizdigi qurdastary ózderi qyzmet etetin salaǵa bailanysty az qamtylǵan otbasylardyń balalaryna da kómek qolyn sozýdy josparlap otyrǵandyǵyn aitady.
«Ózim óner salasynda qyzmet etkennen keiin turmysy tómen, jaǵdaiy joq otbasylardan shyqqan jasóspirimderdi ónerge baýlyǵym keledi. Jalpy biz sportqa, mádenietke, ónerge ikemi bar mundai balalardyń bárine kómek qolyn sozýǵa tyrysamyz. Sonymen qatar jalǵazbasty qarttarǵa da kómektesý josparymyzda bar», - dedi ol.
