Elordada taksi júrgizýshisi mas jolaýshynyń 550 myń teńgelik altyn saǵatyn urlaǵan, dep habarlaidy Nur-Sultan qalasy Politsiia departamentiniń baspasóz qyzmeti.
Anyqtalǵandai, úiine qonaqtan mas kúide oralǵan elorda turǵyny qolyndaǵy 550 myń teńgelik «Iashma» markaly altyn saǵaty joq ekenin baiqaǵan.
«Túngi ýaqytta er adam «Toiota Kamri» markaly avtokólikti toqtatyp, taksi júrgizýshisimen kelisip, artqy oryndyqqa otyryp jolda uiqyǵa ketedi. Kelisilgen meken-jaiǵa jetkende júrgizýshi uiyqtap ketken jolaýshysyn oiata bastaidy, sol sátte onyń qolyndaǵy altyn saǵatqa kózi túsip, ony qolynan sheship alyp qaltasyna salady.
Sodan keiin taksi júrgizýshisi er adamdy oiatyp, kólikten túsirip ózi júrip ketedi. Úiine kelgende altyn saǵatynyń joqtyǵyn kórgen jábirlenýshi, politsiiaǵa shaǵymdanady.
Jedel-izdestirý is-sharalaryn júrgizý kezinde politsiia qyzmetkerleri jeke tasymaldaýmen ainalysatyn 40 jastaǵy er adamdy ustady. Kúdikti óz kinásin moiyndap, zattai aiǵaq tárkilenip, elorda aýmaǵynda buryn jasalǵan osyǵan uqsas qylmystarǵa qatystylyǵy tekserilýde.
Nur-Sultan qalasynyń Politsiia departamenti qundy zattardy qaraýsyz qaldyrmaýdy jáne beitanys adamdarǵa senbeýdi usynady», - dep jazady departamenttiń baspasóz qyzmeti.
