Nur-Sultan qalasynyń ákimshiliginde sybailas jemqorlyqqa qarsy áreket etý boiynsha keńeitilgen keńes ótti, dep habarlaidy elorda ákimdiginiń baspasóz qyzmeti.
Keńeitilgen keńes jemqorlyqty boldyrmaýǵa jáne joiýǵa baǵyttalǵan.
Elbasy Nur Otan partiiasy Saiasi keńesiniń keńeitilgen otyrysynda sybailas jemqorlyqqa qarsy kúresti kúsheitý qajettigine nazar aýdardy.
Memleket basshysy sybailas jemqorlyqqa qarsy saiasattyń negizgi baǵyttarynyń biri biýdjet saiasatynyń ashyqtyǵyn arttyrý ekendigin aitty.
Keńes barysynda sybailas jemqorlyqqa qarsy is-qimyl agenttiginiń departament basshylyǵy sybailas jemqorlyq quqyq buzýshylyqtar statistikasyn jariia etti jáne júrgizilip jatqan jumystyń arqasynda qoǵamdaǵy turmystyq sybailas jemqorlyq paiyzy tómendegenin atap ótti.
Mysaly balalardy balabaqshalarǵa kezekke qoiýdy tsifrlandyrý oryn berý júiesin barynsha ashyq etýge múmkindik berdi. Qala prokýratýrasy apparatynyń basshylyǵy ishki baqylaýdy kúsheitý jáne qaramaǵyndaǵylardyń sybailas jemqorlyq buzýshylyqtary úshin birinshi basshylardyń jaýapkershiligin kúsheitý qajettigin atap ótti.
