Elordada dári-dármek baǵasyn qymbattatyp satqan dárihanalar anyqtaldy, dep habarlandy qala ákimdiginiń saitynda.
«Astana – adaldyq alańy» jobasynyń menedjerleri sybailas jemqorlyqqa qarsy qyzmet departamenti janyndaǵy arnaiy monitoringilik toppen jáne partiialyq baqylaý komissiiasy múshelerimen birlesip, qaladaǵy birneshe dárihanaǵa monitoring júrgizdi. Buǵan azamattardyń dári-dármekter men dárihanalarǵa qatysty shaǵymdary negiz boldy», - delingen aqparatta.
Málim etilgendei, Nur-Sultan turǵyny «DDM PHARM»-dan (Respýblika dańǵyly, 7) quny 3 705 teńge turatyn 10 mg Amlodimed preparatyn satyp alǵan. Dáriniń birligi 327 teńgeden asyp ketken.
Al Sanario dárihanasynda (Almaty kóshesi, 13) quny 2 500 teńge turatyn TsEF-3 preparatynyń baǵasyn kóterý faktisi anyqtaldy. 10 birlikke 2 950 teńge artyq tólengen.
«Astana – adaldyq alańy» jobasynyń jetekshisi Miras Shekenov tártip buzýshylyq faktisin moiyndaǵan dárihana basshylarymen sóilesti.
«Búgin úsh dárihana tekserildi, olardyń ekeýinde baǵa kóterilgeni anyqtaldy. Shara qabyldaý úshin nátijelerdi farmatsevtikalyq baqylaýǵa jiberemiz. Sondai-aq erteńnen bastap qalada barlyq dárihanalardy tekseretin partiialyq arnaiy monitoringilik toptar jumys istei bastaitynyn atap ótkim keledi. Sonymen qatar barlyq azamattardy dári-dármek baǵasynyń kóterilýi boiynsha WhatsApp nómirine (+7 702 000 24 94) habarlama jiberýge shaqyramyn. Meditsinalyq dári-dármekterdiń baǵasyn negizsiz kóterý densaýlyq saqtaý ministriniń buiryǵyn buzý bolyp esepteledi», - dep atap ótti M.Shekenov.
Eger dári-dármek baǵasy týraly kúmán týyndasa, DARI.KZ qosymshasy arqyly, ndda.kz saity nemese Qazaqstan Respýblikasy Densaýlyq saqtaý ministriniń bekitilgen buiryǵy (adilet.zan.kz) arqyly teksere alasyz. Buryn habarlanǵandai, elordalyq politseiler meditsinalyq preparattardy zańsyz satý faktileri boiynsha reid júrgizýde. Eki kún ishinde jalpy somasy 6 mln teńgege jýyq dári-dármek tárkilendi.
