27-28 aqpanda Á.Mámbetov atyndaǵy memlekettik drama jáne komediia teatrynda Altaidyń kórnekti jazýshysy Oralhan Bókeidiń «Aýyl hikaialary» spektakliniń premerasy ótedi.
«Altaidyń Kerbuǵysy» atanǵan zańǵar jazýshy Oralhan Bókeidiń áńgimeleri ómirsheńdigimen, tereń syrly lirikasymen el júreginen óz ornyn alǵan.
«Aýyl hikaialary» dramasy sýretker O.Bókeidiń «Apamnyń astaýy», «Qosh, mahabbatym» jáne «Mańdaidan baǵyń shaiqalsa» áńgimeleriniń jelisi boiynsha sahnalanady.
Kórermender ókinish pen qoshtasý, qýanysh pen muń, mahabbat pen qimastyq sezimin bastan keshirip, kishi sahnada qoiylymnyń qatysýshyna ainalady. Qoiylym sizdiń júrek túbindegi ystyq sezimderdi oiatyp, asyl shaqtaryńyzdy eske alýǵa, siz úshin qymbat jandarmen taǵy bir márte tildesýge, syrlasýǵa múmkindik beredi.
Avtory: Oralhan Bókei. Rejisserleri: Qazaqstannyń eńbek sińirgen qairatkeri – Sailaý Qamiev, Nurjigit Mýslimov, Áli Bidahmet, sýretshi – Ainur Esbolatova.
Ótetin orny: NOMAD CITY HALL
Meken-jaiy: Nur-Sultan qalasy, Máńgilik el dańǵyly, 55/2, B2-3. Bastalýy saǵat 19:00
