Elordada koronavirýs juqtyrýshylardyń sany táýligine 620 adamǵa jetti. Bul týraly Nur-Sultan qalasynyń bas memlekettik sanitarlyq dárigeri Sarhat Beisenova aitty, dep habarlaidy "Ult aqparat".
«Elordada COVID-19 boiynsha epidemiologiialyq jaǵdai qolaisyz bolyp qalýda. Qala áli de «qyzyl aimaqta» tur. 11 maýsymnan bastap qalada koronavirýs juqtyrý jaǵdailarynyń ósýi baiqalady. Sońǵy aptada kúnine jaǵdailardyń sany 350-den 620-ǵa deiin ósti. Sáikesinshe aptalyq qarqyndy kórsetkish 2,8 ese artty. Sońǵy aptadaǵy aýrý deńgeii aldyńǵy aptamen salystyrǵanda 65 paiyzǵa ulǵaidy. Aptalyq qarqyndy syrqattanýshylyq kórsetkishi - 298,2. Reprodýktivti sany - 1,315», - dedi ol.
Onyń atap ótýinshe, jyldyń basynan beri qala boiynsha syrqattanǵandardyń sany 45 myńnan asqan.
«Pandemiia bastalǵannan beri 63 968 jaǵdai tirkelgen Onyń ishinde 43 866-sy simptomdy jáne 20 102-si simptomsyz», - dedi Sarhat Beisenova.
