5 qarashada elordada QazForum sharasy ótkiziledi, dep habarlaidy QazAqparat forýmdy uiymdastyrýshylarǵa silteme jasap.
QazForum – internettegi qazaqsha kontentti damytýǵa arnalǵan biregei kásibi alań. AQSh-tyń Qazaqstandaǵy Elshiliginiń qoldaýymen jyl saiyn uiymdastyrylatyn qazaq tilin damytýdaǵy eń aýqymdy is-shara besinshi ret ótkiziledi. Forýmǵa Qazaqstannyń túkpir-túkpirinen 200-den astam kásibi maman qatysady. Qatysýshylar qatarynda media-sarapshylar, blogerler men jýrnalister, BAQ bas redaktorlary men basshylary, digital sarapshylar men jańa kontent jasaýshylar bar.
Uiymdastyrýshylardyń aitýynsha qazaqsha kontentke suranys artqan.
«Stýdentterdiń 63%-y qazaq tilinde oqidy, BAQ-taǵy kontenttiń 72%-y qazaq tilinde beriledi. Halyqtyń 22% úsh tilde sóileidi. Qujat ainalymynyń 92%-y qazaq tilinde júrgiziledi. Atyraý, Mańǵystaý jáne Qyzylorda oblystary halqynyń 90%-dan astamyn qazaqtar quraidy», delingen habarlamada.
Ár jyl saiyn 50-den astam jetekshi media-sarapshy, jýrnalist pen qazaqsha onlain kontent jasaýshy bir jerge jinalady.
«Sońǵy jyldary forýmǵa 700-den astam qatysýshy elimizdiń túrli óńirinen: Shymkent, Aqtóbe, Atyraý, Aqtaý, Taldyqorǵan jáne Kókshetaýdan qatysty. Kóptegen ózekti taqyryp talqylanyp, ótkir pikirtalastar ótkizildi. Forýmǵa qatysýshylardyń 71%-y QazForum-dy qazaqsha onlain-kontent máseleleri boiynsha eń qyzyqty jáne qajetti alań retinde baǵalaidy», delingen habarlamada.
4 jyl ishinde is-shara qazaqtildi onlain media úshin jalpy respýblikalyq dialog alańyna ainaldy, onda qatysýshylar kásibi máselelerdi talqylap qana qoimai, ózara tájiribe almasady.
Biyl jergilikti jáne sheteldik spikerlerdiń qatysýymen qyzyqty sessiialar men sheberlik saǵatyn ótkizý josparlanǵan. Forým týraly aqparat áleýmettik jelide keńinen jariialanady
Forým spikerleri Qazaqstandaǵy BAQ-tyń damýyn talqylaý, maqsatty aýditoriiamen jumys isteý jáne derekterdi taldaý, qazirgi mediadaǵy tendentsiiany talqylaý, áleýmettik jelidegi kontent mazmunyn damytý jáne jarnamalaý, qazaqsha onlain kontentti jasaýshynyń keisteri jáne tabysy; aqparat kózderi men big data-men jumys isteý, monetizatsiia jáne kreativti ekonomika jaiy talqylanady.
