Elorda turǵyndary eńbek naryǵynda suranysqa ie mamandyqtar boiynsha tegin bilim ala alady, dep habarlaidy "Ult aqparat" qala ákimdiginiń resmi saityna silteme jasap.
Elordanyń jumyspen qamtý ortalyǵy qaita oqytý kýrstaryna jumyssyz azamattardy qabyldap jatyr. Qaita daiarlaý naryqta qajetti mamandyqtar boiynsha júrgiziledi.
«Jumyssyz azamattardy eńbek naryǵynda suranysqa ie mamandyqtar boiynsha tegin qaita oqytý kýrstaryna qabyldaý júrgizilýde. Atap aitqanda, qaita daiarlaý kýrstary naýbaishy, mektepke deiingi uiymdardyń tárbieshisi (pedagogikalyq bilim mindetti), menedjer (saýda menedjeri; suranysy joq mamandyq ieleri, diplomnyń bolýy mindetti), ákimshi, elektrmen jáne gazben dánekerleýshi, kiberqaýipsizdik mamany, animatsiia jáne beinegrafika salasyndaǵy maman, ýqalaýshy (meditsinalyq bilim bolýy kerek) siiaqty mamandyqtar boiynsha júrgiziledi.
Oqý barysynda ai saiyn 16 759 teńge stependiia tólenedi. Qaita daiarlaý kýrsyn oidaǵydai aiaqtaǵan soń sertifikat berilip, jumysqa ornalasýǵa járdem kórsetiledi», - dep málim etti ortalyqtan.
