Elordada alaiaqtyq jasaý kúdigimen 38 jastaǵy qala turǵyny ustaldy. Bul týraly Nur-Sultan qalalyq Politsiia departamentinen málim etti, dep habarlaidy QazAqparat.
«Elordalyq 38 jastaǵy áiel bankpen bailanysy bar ekendigin aityp, tómen paiyzben ipoteka rásimdeýge kómek kórsetýge ýáde bergen. Áiel óz qyzmetin tanystary arqyly usynǵan. Ótken jyl boiy alaiaq 4 ańqaý azamatty aldaǵan. Zardap shegýshiler salǵan bastapqy jarna somasy 600 myń teńdegen bastalyp, odan da kóp somany quraidy. Ol óziniń syiaqysyn birden alǵanymen ýádesin oryndaýǵa tyryspaǵan da. Kúdikti alaiaqtyq jasaǵandyǵyn moiyndady. Onyń ústinen QR QK 190-baby 3-bóligi boiynsha sotqa deiingi tergeý amaldary júrgizilip jatyr. Sonymen qatar onyń elorda aýmaǵynda jasalǵan osyǵan uqsas qylmystarǵa qatysy bar-joǵy tekserilýde», - dep atap ótedi departamentten.
Vedomstvonyń habarlaýynsha, atalǵan bapta 7 jylǵa deiin bas bostandyǵyn shekteý nemese múlkin tárkilei otyryp, dál sondai merzimge bas bostandyǵynan aiyrý jazasy kózdelgen.
Osy oraida Nur-Sultan qalalyq Politsiia departamenti azamattardy saq bolýǵa jáne beitanys adamdarǵa senbeýge shaqyrady.
