Elordanyń sanitarlyq dárigeriniń karantindik sharalardy qatańdatý týraly qaýlysyna sáikes qoǵamdyq tamaqtandyrý oryndary qysqartylǵan jumys rejimine kóshti, dep habarlaidy "Ult aqparat" Nur-Sultan ákimdiginiń resmi saityna silteme jasap.
Sonymen, senbi jáne jeksenbi kúnderi elordanyń qoǵamdyq tamaqtaný oryndary – kafeler, meiramhanalar, kofehanalar jumys istemeidi. Bul rette tamaqty jetkizý jáne ózimen alyp ketý shtattyq rejimde júzege asyrylady.
Joǵaryda atalǵan qoǵamdyq tamaqtaný nysandaryna jumys kúnderi tańǵy saǵat 7-den 17.00-ge deiin jumys isteýine ruqsat etiledi, al «Ashyq» jobasyna qatysatyn mekemeler keshki saǵat 20.00-ge deiin jumys istei alady.
Ashanalar úshin jumys jáne demalys kúnderi saǵat 07:00-den 21:00-ge deiingi jumys kestesi belgilengen.
Esterińizge sala keteiik, senbi jáne jeksenbi kúnderi elordalyq SOO jáne t.b. jumysyna tyiym salynǵan.
Qazaqstan Respýblikasynyń aýmaǵynda koronavirýstyq infektsiianyń paida bolýy men taralýyna jol bermeý jónindegi vedomstvoaralyq komissiia otyrysynyń 2021 jylǵy 14 shildedegi hattamasyna sáikes Nur-Sultan qalasynda shekteý jáne karantin sharalaryn qatańdatý týraly qaýly qabyldandy.
