Elordada maýsym aiynan bastap balalar arasynda koronavirýs infektsiiasynyń ósýi baiqalady. Balalar negizinen otbasyndaǵy KVI juqtyrǵan adammen bailanysta bolǵannan keiin aýyrady. Bul týraly №3 kópbeiindi qalalyq balalar aýrýhanasy direktorynyń meditsinalyq bólim jónindegi orynbasary, infektsionist dáriger Roza Ótegenova aitty, dep habarlaidy "Ult aqparat" qala ákimdigine silteme jasap.
«Balalarda aýrý simptomatikalyq emes, klinikalyq aiqyn formalarǵa deiin sozylady. Balalardaǵy negizgi belgiler – intoksikatsiia, dene qyzýy, kataraldy kórinister bolýy múmkin. Sondyqtan, bastapqyda qarapaiym virýsty infektsiialardan esh aiyrmashylyǵy joq dep aita alamyz. Biraq dinamikadan keiin asqynyp ketýi yqtimal, sonymen qatar sozylmaly aýrýlar bolǵan kezde balalarda sozylmaly patologiialardyń dekompensatsiiasy bastalýy múmkin. Ondaida jaǵdai nasharlap ketedi», - dedi Roza Ótegenova.
Sondai-aq, dárigerdiń pikirinshe, kóp nárse balanyń koronavirýs juqtyrǵanǵa deiingi densaýlyǵyna bailanysty. Iaǵni, eger ol KVI-ge deiin saý bolsa, aýrý jeńilirek ótedi.
«Aýrý aǵymynyń ereksheligi – olardyń infektsiialyq protsesi kez-kelgen kezeńde aiaqtalýy múmkin, iaǵni bala ne tez emdelip shyǵady nemese birden aýyr túrine jetedi. Inkýbatsiialyq kezeń eresekterdegidei ótedi: 4-ten 14 kúnge deiin. Alaida, balada qosymsha aýrýy bolsa, onyń jaǵdaiy jyldam nasharlaýy nemese nasharlamaýy múmkin», - deidi maman.
Infektsiia asqynatyn negizgi organ — eresekterdegi sekildi ókpe. Biraq júrek, baýyr, asqazan-ishek joldary bolýy da múmkin. Sol siiaqty aýyr túrindegi sepsis pen shok jaǵdaiyna deiin ákelýi múmkin. Sondai-aq, balalardyń birden birneshe júike júiesine áser etýi múmkin, bul denege teris áser beredi.
«Ata-analardyń bárine saqtyq sharalaryn qatań saqtaýyn, ásirese vaktsinatsiiadan ótýi kerektigin aitqymyz keledi. Negizinen ekpe almaǵan otbasylardyń balalary aýyr túrde aýyrady. Vaktsinatsiia alyńyz, ózińizdi jáne balalardy qorǵańyz! Óitkeni, kishkentai balalar ózderiniń aýyryp qalǵanyn túsinbeýi múmkin, al keiin aýrý aýyr kúide ótedi», - dep qorytyndylady Roza Ótegenova.
