Astanada azamattardyń qaiyrymdylyq bastamalaryn qoldaityn resýrs paida boldy, dep habarlaidy QR Aqparat qoǵamdyq damý ministrliginiń Aqparat komiteti.
Aizhurek.kz saity (beta nusqasy-meyir.im) tiimdi altrýizm quraly retinde (nemese áleýmettik igilik pen qaiyrymdylyqpen ainalysatyn uiymdar men eriktiler toptarynyń biryńǵai aqparattyq-anyqtamalyq resýrsy) beiimdelgen. Jobanyń avtory - Global Shapers Community jas kóshbasshylar qoǵamy.
«Munyń bári bizdiń jobalarymyzǵa qaiyrymdylyq uiymdarynyń bailanystaryn qajet etkenimizden bastaldy. Qoǵamdyq qorlar, qaiyrymdylyq uiymdar, ekologiia jáne janýarlarga sátti kómek kórsetetin bastamashyl toptar týraly derekter taba almaǵan soń, ózimiz biriktirdik. Oǵan qosa, kóptegen adamdar kiim-keshek pen tehnikany qalai jáne kimge berýge bolatyny týrly saýal joldady ári qarttar men qiyn ómirlik jaǵdaiǵa túsken eresekterge kómektesýge daiyn adamdar kóbeiip keledi», - deidi jobanyń avtory jáne Global Shaper múshesi, Aiman Edigeeva.
Osylaisha, adamdar senimdi uiymdar arqyly kómek kórsete alatyn Aizhurek.kz veb-saity paida boldy.
Búgingi kúni 175 uiymnan turatyn anyqtama negizgi nysanaly sanattarǵa bólingen: balalarǵa, eresekterge, qarttar men janýarlarǵa kómek. Tizimge sirek nemese múmkindikterdi shekteitin diagnoz qoiylǵan adamdarǵa arnalǵan mamandandyrylǵan uiymdar, aýla klýbtary, qaiyrymdylyq dúkenderi, hospister, eriktiler uiymdary jáne taǵy basqa kóptegen kómek beretin uiymdar kiredi.
