Elordada aliment tólemegen boryshker óz balasyna páterin jazyp berdi, dep habarlaidy "Ult aqparat" Nur-Sultan qalasynyń Jeke sot oryndaýshylar óńirlik palatasynyń baspasóz qyzmetine silteme jasap.
«2020 jylǵy 19 naýryzda A. esimdi azamattan K. esimdi azamatshanyń paidasyna jalaqynyń jáne ózge de tabystyń 1/4 bóligi mólsherinde aliment óndirip alý týraly atqarýshylyq is qozǵaldy. 2020 jyldyń 1 shildesindegi bereshek 3 406 648 teńgeni qurady. Qaryzdy óteý esebine biylǵy jyldyń sáýir aiynda boryshker óndirip alýshynyń menshigine Aqtóbe qalasynyń Astana aýdandaǵy Táýelsizdik dańǵylynda ornalasqan bir bólmeli páterdi berdi», - dedi Nur-Sultan qalasy óńirlik palatasy basshysynyń orynbasary Madina Janasaeva.
Madina Janasaevanyń aitýynsha, óndirip alýshy alimentten bas tartqan joq, boryshker kez kelgen jaǵdaida bala kámelet jasyna tolǵanǵa deiin aliment tóleýdi jalǵastyratyn boldy.
