Nur-Sultan qalasynda álemniń ekinshi ustazy atanǵan Ábý-Nasyr ál-Farabidiń qurmetine eskertkish qoiylmaq, dep habarlaidy QazAqparat.
Kórnekti tulǵaǵa qoiylatyn eskertkishke qatysty áńgime elordanyń qalalyq máslihat janyndaǵy qoǵamdyq keńes otyrysynda aityldy.
«2019 jyly Prezident Ákimshiliginen elordada ál-Farabi, Qurmanǵazy, J. Táshenov jáne taǵy basqa tulǵalarǵa eskertkish qoiý tapsyrmasy berildi. Ótken jyly pandemiiaǵa bailanysty ál-Farabige eskertkish ornatý keiingi shegerildi. Qazir eskertkish daiyndalyp jatyr. Jalpy biyl J. Táshenov pen T. Bigeldinovke eskertkish qoiýǵa qarjy bólindi», - dedi Nur-Sultan qalasynyń Strategiialyq jáne biýdjettik josparlaý basqarmasynyń basshysy Qaisar Mańqaraev.
