Elorda mektepteri men balabaqshalarynda jumys isteitin barlyq qyzmetkerdiń jalaqysyn kóterý qajet. Mundai usynysty «Ádilet» kásipodaǵynyń tóraǵasy Batyr Áliev jasady, dep habarlaidy QazAqparat.
«Nur-Sultan qalasy pedagogtarynyń áleýmettik mártebesin kóterýdi qamtamasyz etý maqsatynda kelesi máselelerdi talqylaýǵa usynamyn. Eń aldymen, bizde jyl saiyn pedagogtardyń jalaqysy artyp kele jatyr. Biraq, bul búkil Qazaqstan boiynsha ári bárine tiesili. Biraq, elordalyq pedagogtardyń jaǵdaiyn jaqsarta túsý úshin myna jaittarǵa toqtalǵym keledi. Jalaqynyń jyl saiyn artýyna qaramastan memlekettik mekemelerdiń jáne psihologiialyq-pedagogikalyq túzetý kabinetteriniń basshylarynyń jalaqysy tómen qalyp otyr. Olar sharýashylyq júrgizý quqyǵyna kóshpegen balabaqshalar men mektepter», - dedi ol qalalyq máslihat otyrysynda.
Onyń aitýynsha, memlekettik mekemelerdiń jáne psihologiialyq-pedagogikalyq túzetý kabinetteriniń basshylary 152 myńnan 184 myń teńgege deiin ǵana jalaqy alady.
«Pedagogtarymyzdy qalypty jumys jaǵdaiymen qamtamasyz etetin bilim berý uiymdaryndaǵy ózge de qyzmetkerlerdiń máselesin qozǵaǵym keledi. Atap aitar bolsaq, bas býhgalter 92 myńnan 112 myń teńgege deiin jalaqy alady. Ekonomisterdiń, is júrgizýshiler men kitaphanashylardyń jalaqysy 72-85 myń teńge aralyǵynda ǵana. Pandemiia rejiminde pedagogtardyń jumys isteýine jaǵdai jasap, eki ese kóp jumys iseitin, kún saiyn táýekel aimaǵynda júretin eden jýýshylardyń bazalyq laýazymdyq jalaqysyna 20-30 paiyz ústeme qosylady. Alaida ol ne bári 2-3 myń teńgeni quraidy», - edi Batyr Áliev.
