Nur-Sultan qalasynyń Tilderdi damytý jáne muraǵat isi basqarmasynyń basshysy Tileýǵali Qyshqashbaev elordalyq mektepterge arab sheihteriniń esimin berý usynysy jaily túsinikteme berdi, dep habarlaidy "Ult aqparat" Elorda Infoǵa silteme jasap.
«Mektep – bilim berý júiesindegi eń basty nysandardyń biri. Qazirgi ýaqytta qalada 87 mektep bar. Sonyń ishindegi 10 mektepke Qazaqstandaǵy áigili tulǵanyń esimi berilgen. Odan bólek, qalamyzdyń damýyna sheteldik investorlar da óz úlesin qosýda. Mysaly, sheih esimderin berýge usynys jasalǵan mektepter sheteldik investitsiiaǵa salynǵan. Osylaisha, Halifa ibn Zaid ál-Nahaian atyndaǵy gýmanitarlyq qor №84 mektep-litseiiniń qurylysyn tolyqtai qarjylandyrǵan, al №85 mekteptiń qurylysyn Katar memleketiniń damý qory qarjylai qamtamasyz etken. Atalmysh bilim berý uiymdary investorlar tarapynan bilim berýge qajetti barlyq quraldarmen jabdyqtaldy», - dedi Tileýǵali Qyshqashbaev.
Ákimdiktegi málimdemege sáikes, investorlar mektep qurylysynan bólek, bilim berý ordalarynyń materialdy-tehnikalyq jabdyqtalýyn da óz moiyndaryna alǵan. Jekelei alǵanda, qajet bolǵan jaǵdaida qurylys jumystary júrgizilip, oqý quraldary alynady. T.Qyshqashbaevtyń aitýynsha, mektepterge arab sheihteriniń esimderin berý týraly usynys osy mektepterdiń basshylarynan kelip túsken. 2019 jyldyń 3 qazanynda qalalyq onomastikalyq komissiiada 12 bilim berý ortalyqtaryna esim berý máselesi qarastyrylyp óz sheshimin tapqan. Jiberilgen usynys QR Úkimeti janyndaǵy Respýblikalyq onomastikalyq komissiiaǵa qarastyrý úshin jiberiledi. Esterińizge sala ketsek, budan bólek elordalyq mektepterge Jumabek Táshenov, Ahmet Baitursynov, Beiimbet Mailin, Shákárim Qudaiberdiuly, Máshhúr Júsip Kópeiuly, Iliias Jansúgirov, Mirjaqyp Dýlatov, Álihan Bókeihan, Sáken Seifýllinniń syndy qoǵam qairatkerleriniń esimderi beriledi. Sonymen qatar, Oqýshylar saraiy Ábý Nasyr ál-Farabidiń esimimen atalmaq.
