Elordada karantindik sharalardyń kúsheitilýine bailanysty 13 sáýirge deiin qoǵamdyq kólik júrmeidi. Degenmen, qala kóshelerinde baǵdar boiynsha qatynap júrgen avtobýstardy anda-sanda baiqap qalýǵa bolady, dep habarlaidy "Ult aqparat".
Osyǵan orai «City Transportation Systems» kólik kompaniiasynan habarlasqan edik. Kompaniia baspasóz qyzmeti usynǵan málimetke sáikes, qazirgi jaǵdaida Nur-Sultan qalasynyń qoǵamdyq kólikteri eń birinshi kezekte qalanyń tynys-tirshiligine jumyldyrylǵan mamandardy tasymaldaýǵa baǵyttalyp otyr.
«Búgingi kúni ekonomikanyń turaqty jumysyn qamtasyz etý, azamattardy áleýmettik qorǵaý úshin mańyzdy salalarǵa qoldaý kórsetý - bizdiń ortaq mindetimiz. «City Transportation Systems» kólik kompaniiasy 30 naýryzdan beri elordanyń tynys-tirshiligin qamtamasyz etetin meditsina qyzmetkerlerin, politseilerdi jáne ózge de qyzmetkerlerdi arnaiy baǵdarmen tegin tasymaldaýdy qamtamasyz etip otyr», - dedi atalǵan kompaniiadan.
Qazirgi ýaqytta «City Transportation Systems» kólik kompaniiasy elordanyń 57 uiymynyń 6 myńnan astam qyzmetkerin tegin tasymaldaidy. Olardyń qatarynda qalalyq, aýdandyq ákimdikterdiń, 35 meditsinalyq uiymnyń, qalalyq, aýdandyq politsiia departamentteriniń, Qazynashylyq kásipornynyń, Eńbek jáne halyqty áleýmettik qorǵaý basqarmasynyń, Jumyspen qamtý, Daǵdarys ortalyqtarynyń, birqatar qurylys kompaniiasynyń qyzmetkerleri men jumysshylary bar.
