Elorda ákimi Altai Kólginov úleskerler máselesi qalai sheshilip jatqanyn aitty, dep habarlaidy QazAqparat.
«Úleskerler problemasy ózekti ekeni belgili, 15 myń otbasy óziniń baspanasyna qol jetkize almai jyldar boiy kútti. «Saqaldy qurylys» atanǵan 150 kópqabatty úi bolsa, sonyń 90-ny biyl bitedi. Osy oraida 2019 jyly 13 úi (2,7 myń otbasy) tapsyrylsa, 2020 jyly 20 turǵyn úi (2,7 myń otbasy) berildi, al biyl 57 kópqabatty turǵyn úidegi 7 myńnan astam otbasy óz páterleriniń kiltterin alady», - dedi A. Kólginov elorda máslihatynyń kezekten tys sessiiasynda.
Onyń aitýynsha, úlestik qurylysta qujatnama, jobalaý-smetalyq qujat boiynsha máseleler týyndap, qarjylandyrýda problemalar, sondai-aq alaiaqtyq áreketteri boldy.
«Qarjylandyrý qamtamasyz etildi. Biýdjet qarajatyn qaitarýymyz kerek. Taǵy 90 mlrd teńge jeke investitsiia tarttyq», - dedi qala ákim.
«Qazir úleskerler árbir úi boiynsha jumystar júrip jatqanyn kórip otyr. Investor bar, biýdjetten qarjylandyrý eskerilgen», - dedi ol.
