Ulybritaniia patshaiymy II Elizaveta Garri men Meganǵa qarsy sot isin bastaýǵa buiryq berdi, dep habarlaidy QazAqparat The Sun gazetine silteme jasap.
Patshaiymnyń zańgerleri II Elizavetanyń nemeresi Garri men onyń áieli Megan Markldyń synynan keiin jala máselesi boiynsha mamandanǵan kompaniialardyń sarapshylarymen keńesip jatyr.
Basylymnyń habarlaýynsha, olardyń aitqandary patshaiymnyń shamyna tigen. Garri men Meganǵa qarsy sot isi qozǵalady. Olarǵa osyndai jolmen aitylǵan sózderdiń jazasyz qalmaityny túsindirilmek.
Ótken aida koroldik otbasy Garridyń memýar jazyp jatqany týraly jańalyqty estip, tań qaldy. Ol kitabynda koroldik otbasynyń ishki syrlarymen bólisip, ony patshaiymnyń 100 jyldyq mereitoiyna orailastyryp shyǵaratynyn málimdegen.
Penguin Random House baspa úiine quqyqtyq eskertý jiberý týraly másele qarastyrylyp jatyr.
