Foto:TJM
Elimizdiń jeti oblysynda órt qaýpi bar dep habarlaidy “Qazgidromet” RMK baspasóz hatshysy Alina Ysmaǵulova Astanada ótken brifingte.
Atap aitqanda, Mańǵystaý oblysynyń basym bóliginde, Atyraýdyń ońtústik, shyǵysynda, batysynda, ońtústiginde, Qyzylorda qalasynyń ortalyǵynda, Túrkistan oblysynyń soltústiginde, Abai oblysynyń ońtústiginde, Qaraǵandy, Aqtóbe oblystarynyń ońtústiginde órt qaýpi joǵary.
Sondai-aq, Alina Ysmaǵulova 2 mamyrda bolatyn qaýipti meteorologiialyq qubylystarǵa boljamdy málim etti.
"QR basym bóliginde atmosferalyq frontaldy bólimder áser etedi, onymen shyǵysta jańbyr jaýady, Qaraǵandy, Abai, Jetisý oblystarynda túngi ýaqytta jaýyn-shashyn, shyǵysta, ońtústik-shyǵystyń taýly aýdandarynda qatty jaýyn-shashyn (jańbyr, qar) bolady. Respýblika boiynsha jeldiń kúsheiýi kútiledi, naizaǵai, ońtústik-shyǵysta-burshaq, daýyl, ońtústik-batysta shańdy daýyl, soltústik – batysta-tuman kútiledi.
Túnde Qaraǵandy oblysynyń shyǵysynda, Shyǵys Qazaqstan oblysynyń soltústiginde, shyǵysynda, batysynda, soltústiginde, shyǵysynda Abai oblysynda 1-3 gradýs úsik kútiledi", -dedi maman.
