29 tamyz jeksenbi kúni tańǵy saǵat 10:00-de elimizdiń barlyq meshitterinde Jambyl oblysyndaǵy jarylysta qaza tapqandardyń rýhyna baǵyshtalyp Quran hatym oqylady, dep habarlai "Ult aqparat" Qazaqstan musylmandary dinii basqarmasyna silteme jasap.
«Jambyl oblysynyń Baizaq aýdanynda oq-dáriler qoimasyndaǵy órt pen jarylystardyń saldarynan adamdardyń qazaǵa ushyraýy – elimizdiń basyna túsken aýyr synaq, barsha qazaq eliniń qabyrǵasyn qaiystyrýda.
Osyǵan orai 29 tamyz jeksenbi kúni tańǵy saǵat 10:00-de elimizdiń barlyq meshitterinde Jambyl oblysynyń Baizaq aýdanynda oq-dáriler qoimasyndaǵy órt pen jarylystardyń saldarynan adamdardyń qazaǵa ushyraýyna bailanysty olardyń rýhyna baǵyshtalyp Quran hatym duǵasy oqylady», delingen habarlamada.
Búgin QR Prezidenti Qasym-Jomart Toqaev 29 tamyzdy Jalpyulttyq aza tutý kúni dep jariialady.
Esterińizge sala ketsek, 26 tamyzda saǵat shamamen 19:00-de Jambyl oblysynyń Baizaq aýdanynda ornalasqan áskeri bólim qoimalarynyń birinen órt shyǵyp, joiqyn jarylys boldy.
Sońǵy málimet boiynsha, Jambyl oblysyndaǵy jarylystan 13 adam qaza tapqan.
Densaýlyq saqtaý ministrliginiń málimetine sáikes, barlyǵy 98 adam meditsinalyq kómekke júgingen. Olardyń 37-si aýrýhanaǵa jatqyzylyp, qalǵandary jaraqat pýnktterinde tiisti kómek alyp, úilerine jiberilgen.
