Ile Alataý ulttyq parkine 30 «Eko-Sergek» kamerasyn ornatý josparýda. Bul týraly ulttyq parktiń janyndaǵy Qoǵamdyq keńes otyrysynda QR Ekologiia, geologiia jáne tabiǵi resýrstar ministri Erlan Nysanbaev aitty, dep habarlaidy "Ult aqparat".
«Alǵashqy kameralar Úlken Almaty men Túrgen shatqalyna qoiylmaq. Sosyn «Kólsai kólderi» ulttyq parkindegi Qaiyńdy men Kólsai kólderi aýmaǵy josparlanyp otyr. Iaǵni, ádette adam kóp jinalatyn jerler baqylanady», - dedi vitse-ministr jinalys barysynda.
«Sergek» kameralaryn baǵanalarǵa nemese jaryqtandyrý men telefon bailanysy tirekterine, ulttyq parkterdiń kireberisine ornatýǵa múmkindik bar. «Sergek» baǵanalarǵa 6 metr biiktikke ilinedi de, júiede jel generatory, kún paneli, signal qabyldaǵysh antenna bolady. «Eko-Sergekten» taraǵan dabyl men videony arnaiy jedel basqarý ortalyǵy qabyldaidy.
«Eko-Sergek» kamerasyn ornatýdyń maqsaty - inspektorlarǵa parkter aýmaǵyn baqylaýǵa kómektesý. Sebebi kelýshiler óz arttarynan jii qoqys qaldyrady, temeki tuqylyn tastaidy, jaqqan ottaryn óshirmei, órtke sebepker bolady. Vandalizm faktileri de kezdesedi», - dep túsindirdi Erlan Nysanbaev.
Onyń aitýynsha, kameralar tek týristerdi tártipke salyp qana qoimai, órt shyqqan kezde jedel dabyl qaǵyp, jyldam áreket etýge kómektesedi. Sonymen qatar, zańsyz aǵash kesý faktilerin anyqtap, ekoposttar qyzmetiniń ashyqtyǵyn baqylaýǵa bolady.
«Budan bólek «Eko-Sergekter» qyzyl kitapqa engen janýarlar mekendeitin ulttyq parkter aýmaǵynda brakonerlermen kúres úshin de taptyrmas qural», – dep atap ótti spiker.
