Qazaqstanda elektr jelileriniń 50% astamynyń tozyǵy jetken. Bul týraly Energetika birinshi vitse-ministri Murat Júrebekov aityp berdi, dep habarlaidy QazAqparat.
«Qazaqstanda elektr jelileriniń tozýy 50-55%-dan asady. Jalpy, elektr energetikasy salasy kapitaldy kóp qajet etedi, onyń ótemi men investitsiialar uzaq merzimdi bolýy kerek. Elektr óndiretin kásiporyndar shyǵaratyn ónimniń baǵasy memleket tarapynan retteledi, erkin naryqta satylmaidy. Sondyqtan bul salaǵa investorlardy tartý ońai emes», - dedi Murat Júrebekov Ortalyq kommýnikatsiialar qyzmetinde.
Sonymen birge, spiker elektr jelilerine investitsiialar ákelý múmkindikteri týraly aitty.
«Eger biz elektr energiiasyn óndirýdi ulǵaitatyn bolsaq, bizge jańa jelilerdi jańǵyrtý kerek jáne salý qajet bolady. Bul óte qajet. Tiisinshe, investitsiialar men bizdiń jeliniń sapasyn jaqsartý arasynda tikelei bailanys bar», - deidi Júrebekov.
