Foto:elements.envato.com
Búgin elimizde jeke tulǵa bankrottyǵy boiynsha ótinim qabyldaý bastaldy, - dep habarlaidy "Ult aqparat".
Jeke tulǵalarǵa arnalǵan bankrottyq qyzmeti búginnen bastap eGov.kz portalynda jáne eGov Mobile qosymshasynda qoljetimdi.
Qyzmet sottan tys bankrottyq rásimin qoldaný jáne toqtatý týraly ótinish berýdi kózdeidi.
2023 jylǵy 3 naýryzda kúshine engen "Qazaqstan Respýblikasy azamattarynyń tólem qabilettiligin qalpyna keltirý jáne bankrottyǵy týraly" QR Zańyna sáikes eGov.kz portalynda jáne eGov Mobile mobildi qosymshasynda bankrottyqqa ótinishti boryshkerdiń ózi ǵana bere alady.
Sottan tys bankrottyqqa ótinish berý úshin:
- QR-nyń joǵaryda atalǵan Zańynda kózdelgen azamatty bankrot dep taný týraly sottan tys aryz berý sharttarynyń saqtalýyn rastaý;
- nekede bolý jaǵdaiynda jarynyń JSN-in kórsetý;
- nesieler bar qarjy institýttary týraly málimetterdi toltyrý;salyq organyn kórsetý jáne qujattardyń kóshirmelerin qosý;
- AÁK alýshy bolsa, belgi qoiý;
- eger mindettemelerdi oryndaý merzimi 5 jyldan astam bolsa, belgi qoiý;
- ótinishke bir rettik qupiia sóz nemese ETsQ arqyly qol qoiý;ótinishti jibergennen keiin ótinish berýshiniń jary Jeke kabinette ótinishti maquldaidy.
Qyzmet nátijesi 15 jumys kúni ishinde Jeke kabinette sheshimge silteme túrinde paida bolady. Sheshimdi QR QM saitynan qaraýǵa bolady. Sottan tys bankrottyq rásimi 6 aiǵa deiin sozylady.
