Qazaqstanda ushý apparattary jasaý jáne ony paidalaný baǵytyn bitirgen túlekter 1 mln teńgeden astam jalaqy alady. Bul - bakalavriat túlekteriniń arasyndaǵy eń joǵary jalaqy, deidi Eńbek resýrstaryn damytý ortalyǵynyń» sarapshylary. Bul týraly QazAqparat HAA habarlady.
«Bakalavriat túlekteriniń arasynda naqty mamandyqtar boiynsha eń joǵary jalaqyny «5V074300 Ushý apparattary men qozǵaltqyshtaryn ushýda paidalaný» baǵytyn bitirgen túlekter alady – 1 mln teńgeden astam. Sonymen qatar, «5B070800 Munai-gaz isi» (338,4 myń teńge), «5V071500 Teńiz tehnikasy jáne tehnologiialary» (298,7 myń), «5B070700 Taý-ken isi» (276,1 myń), «5V070600 Geologiia jáne paidaly qazbalar ken oryndaryn barlaý» (257,4 myń), «5B100200 Aqparattyq tehnologiialar júiesi» (268,5 myń) mamandyqtary bar.
Magistrlerge keletin bolsaq, eń joǵary jalaqy – «6M052000 Iskerlik ákimshilik» (614,8 myń teńge), «6M051400 Qoǵammen bailanys» (500,7 myń teńge), «6M070700 Taý-ken isi» (391,6 myń), «6M070800 Munai-gaz isi» (386 myń teńge), «6M070400 Esepteý tehnikasy jáne baǵdarlamalyq qamtamasyz etý» (374,7 myń teńge) boiynsha oqýdy aiaqtaǵandardyń úlesinde.
