Jergilikti atqarýshy organdar monitoring toptarynyń jumysyn kúsheitýi qajet. Bul týraly Úkimet otyrysynda QR Densaýlyq saqtaý ministri Aleksei Tsoi málim etti, dep habarlaidy "Ult aqparat".
«Karantindik is-sharalardyń qoldanysta bolýyna qaramastan, birqatar óńirde kóp adamnyń jinalýymen saltanatty is-sharalar, úilený toilaryn, eske alý túski asyn berý tyiylmai otyr. Karantindi óreskel buzý faktileri de anyqtalyp jatyr. Osyǵan orai jergilikti atqarýshy organdarǵa monitoring toptarynyń jumysyn kúsheitýdi tapsyrýyńyzdy ótinemin», - dedi Aleksei Tsoi Úkimet basshysy Asqar Maminge qarata.
Sonymen qatar ol elimizde «Ashyq» jobasyna keńinen tartý jumystarynyń jalǵasyp jatqanyn aitty.
«Jobaǵa qatysýshylardyń sany 111 myńnan asyp jyǵyldy. Olardyń ishinde kóshbasshylary – 921. Qoldanýshylar sany 4 mln-ǵa jetti. Kún saiyn 400 myńnan astam qazaqstanda onlain rejimde óz mártebesin tekseredi», - dedi ministr.
