2018-2020 jyldary el kóleminde terrorizmdi qarjylandyrýǵa qatysty 26 fakti tirkelip, joly kesildi. Bul týraly QR Terrorizmge qarsy ortalyq shtabynyń bólim basshysy Janarbek Jańabaev málim etti, dep habarlaidy QazAqparat.
«Biz Qarjylyq monitoring agenttigimen terroristik áreketterdi qarjylandyrýǵa qarsy kúresti birlesip júrgizip jatyrmyz. Elimizde dini destrýktivti aǵymdardy qarjylandyrý máselesi basty nazarda. Bul baǵytta QR UQK, QR IIM, Bas Prokýratýra, QR QMA jáne Qarjy ministrliginiń Kirister komitetimen birlesip kúresý mehanizmi ázirlendi. Statistikaǵa súiensek, 2018-2020 jyldary el kóleminde terrorizmdi qarjylandyrýǵa qatysty 26 fakti tirkelip, joly kesildi. Atalǵan faktiler boiynsha Ishki ister ministrligi qylmystyq is qozǵalyp, ol Bas prokýratýraǵa deiin jetkizildi. Bul oraida Aqparat jáne qoǵamdyq damý ministrligi de halyq arasynda túsindirý jumystaryn uiymdastyrdy. Biyldyń ózinde ekstremistik qylmysqa barǵan 3 azamattyń ústinen is qozǵaldy», - dedi Janarbek Jańabaev «Kazakhstan Security Systems -2021» atty respýblikalyq konferentsiia barysynda.
Onyń aitýynsha, quzyrly organdarmen birlesken atalǵan baǵyttaǵy jumystar jalǵasyn tabady.
Buǵan deiin, Terrorizmge qarsy ortalyq shtabynyń ókili «Jýsan» operatsiiasynyń nátijesinde qazaqstandyq 77 áiel radikaldy ideologiiadan óz erkimen bas tartqanyn málim etti.
Aita keteiik, búgin elordada terroristik qaýip-qaterge qarsy kúres taqyrybyna arnalǵan 8-shi respýblikalyq konferentsiia ótip jatyr.
Atalǵan sharada qaýipsizdikti nyǵaitý salasyndaǵy búgingi ahýal men tendentsiialar ortaǵa salynyp jatyr. Jáne konferentsiia QR Ulttyq qaýipsizdik komitetiniń Terrorizmge qarsy ortalyǵynyń uiytqy bolýymen ótýde.
