Elimizde kúzet qyzmetkerlerine qoiylatyn talap pen olardy daiarlaý jospary qaita qaralý ústinde. QR Ishki ister ministrliginiń Kúzet qyzmetin baqylaý departamentiniń sarapshysy Daniiar Sultanov málim etti, dep habarlaidy QazAqparat tilshisi.
«Qazirgi tańda bizdiń departament kúzetshilerdi daiarlaýdyń tiptik oqý josparyn qaita qarap jatyr. Jańa josparǵa sáikes kúzet jáne terrorizmge qarsy kúres taqyrybyna arnalǵan teoriialyq jáne praktikalyq tapsyrmalardyń sany arta túspek. Búginde kúzetshilerdi kásibi daiarlaý - kún tártibindegi mańyzdy suraqtardyń biri. Sebebi, kúzetshi qyzmetkerler qoǵam qaýipsizdigi úshin jaýapty mamandardyń biri. Elimizde kúzetshilerdi ázirleýdiń ózindik talaby bar, endigi ýaqytta atalǵan talaptar jetildirile túspek. Jańa ózgeris tek kúzetshilerge ǵana emes olardyń daiarlaityn ortalyqtar men mamandarǵa da qatysty», - dedi Daniiar Sultanov «Kazakhstan Security Systems -2021» atty respýblikalyq konferentsiia barysynda.
Onyń aitýynsha, kúzetshiler biliktiligin zańdy tirgelgen arnaiy oqý ortalyqtarynda jetildirýi tiis. Jáne daiarlyq teoriia men praktikadan turady.
