Búginnen bastap elimizde alǵash ret GetEmotions atty jańa áleýmettik jeli iske qosyldy. Ol arqyly qazaqstandyqtar kez kelgen suraqqa jaýap ala alady. Osy oraida otandastarymyzdy kóbine qandai suraqtar qyzyqtyratyny belgili boldy, dep habarlaidy QazAqparat.
«Atalǵan áleýmettik jeli týraly ideia 2018 jyly keldi, degenmen naqty iske asyrý 2020 jyldan bastaldy. Iaǵni pandemiia kezinde jelini ázirleýdi naqty qolǵa aldyq. Al iske biyl qazan aiynda qostyq. Árine, aldymen ishki naryqty, iaǵni Qazaqstandy qamtý, odan ári AQSh naryǵyna shyǵý maqsaty tur. Bizdiń jeli arqyly qoldanýshylar habarlama jiberýden bólek, sóilese de alady. Árine, habarlasý anonimdi túrde júzege asady», - dedi GetEmotions jobasynyń negizin qalaýshy Aitýǵan Omarov OKQ-de ótken baspasóz qyzmetinde.
Sondai-aq, jeli jasaýshysy qazaqstandyqtardan kelip túsip jatqan suraqtarǵa qatysty pikir bildirdi.
«Bizge kelip túsip jatqan suraqtardyń mazmuny ártúrli. Negizinen ómir týraly, ómirlik qundylyq jóninde desem bolady. Kelip túsip jatqan suraqtardyń deni - adamdardyń jeke ómirine bailanysty. GetEmotions jelisine qatysty taǵy bir jait, búginde biz patent alýǵa ótinish berdik, habaryn kútip júrmiz. Bizdiń jeliniń artyqshylyǵy sol - ár adamnyń máselesi jeke qaralady», - deidi ol.
