Mańyzdy maqsat - ekologiialyq mádenietti damytý. Bul týraly «Anytravel» JShS-niń direktory Denis Lýkianchýk aitty, dep habarlaidy QazAqparat.
«Mańyzdy maqsat - eldiń ishinde ekologiialyq mádeniet pen ekologiialyq týrizmdi damytý. Bul úshin ákimshilik aiyppulengizip, azamattardyń qoqysty kez kelgen jerge tastap ketpeýin qadaǵalaý qajet. Óitkeni, bizdi eshkim qoqysty kóringen jerge tastap ketýge, qabyrǵalarǵa birdeńe jazýǵa májbúrlemeidi. Elimizde ishki týrizmniń damýyna áleýmettik jelilerdiń tanymaldyǵy túrki boldy. Qazirgi ýaqytta belsendi demalyspen ainalysyp, Qazaqstan boiynsha saiahat jasaý úshin uialy telefon men saiahatqa arnaǵan qosymsha bolsa jetkilikti»,- dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, Qazaqstanda belsendi demalystyń kez kelgen túrimen ainalysýǵa múmkindik mol. Belsendi demalýǵa arnalǵan infraqurylymnyń damýy da týrister sanynyń artýyna septigin tigizip otyr. Sondyqtan da búginde qazaqstandyqtar otbasymen tabiǵat aiasynda uzaq ýaqyt serýendeitin boldy.
«Biraq, ókinishke orai barlyǵy birdei tabiǵat aiasynda, demalǵan kezde óziniń qalai ustap, qandai erejelerdi saqtaý qajettigin bile bermeidi. Menińshe, úgit-nasihat jumystar qajet-aq», - dedi Denis Lýkianchýk.
