Qazaqstanda 2020-2025 jyldarǵa arnalǵan densaýlyq saqtaý salasyn damytý baǵdarlamasy ázirlenip jatyr. Bul týraly QR Densaýlyq saqtaý ministri Birjan Eltanov aitty, dep habarlaidy QazAqparat.
Májiliste «Halyq densaýlyǵy jáne densaýlyq saqtaý júiesi týraly» Kodeks jobasynyń jańa redaktsiiasyn talqylaý barysynda depýtat Baqytkúl Hamenova áskerge baratyn jastardyń densaýlyǵyna alańdaýshylyq tanytqan edi.
«Eljan Amantaiuly (QR Densaýlyq saqtaý ministri Birtanov), elde áskeri qyzmetke alynatyn árbir ekinshi bala aýrý qazir. Qazaq: «Rýhyńdy qorǵaimyn deseń, ulyńdy qorǵa», - deidi. Uldy qorǵamasaq, erteń eldi qorǵai almaimyz. Sondyqtan eldiń bas dárigeri retinde janarshyrlyq tanytyp, áskerge alynyp jatqan bozbalalardyń jaǵdaiyna keshendi jospar qoldansańyz», - degen edi ol.
Osy máselege orai Eljan Birtanov qazirgi ýaqytta Úkimet tarapynan Densaýlyq saqtaý ministrligi atqarýshy organdarmen birlesip, 2020-2025 jyldarǵa arnalǵan densaýlyq saqtaý salasyn damytý baǵdarlamasy ázirlenip jatqanyn aitty.
«Bizdiń josparymyzǵa sáikes bul jumys aiaqtalyp kele jatyr. Memlekettik bastamanyń eń negizgi baǵyty - balalar men jastardyń densaýlyǵy. Sonyń ishinde, árine áskeri qyzmetke daiyndaý, reprodýktivti densaýlyq, deni saý ana bolý máseleleri qarastyrylady», - dedi ministr.
