Qazaqstan Qurylysshylar odaǵynyń tóraǵasy Talǵat Erǵaliev elimizde qansha adamnyń baspanaǵa muqtaj ekenin aitty, dep habarlaidy QazAqparat.
«Barlyq baǵdarlamalar qysqaryp jatqandyqtan adamdardyń qarajatqa qol jetimdiligi nasharlaýda. Muqtaj adamdardyń sanattary ártúrli – kópbalaly, jetimder, aýyldy jerlerde turatyn, qalaǵa qonys aýdarǵyp, jumys istegisi keletin adamdar bar. Biz olardyń qalaǵa aǵylýyna tyiym sala almaimyz. Ondai quqyǵymyz joq. Áskeri qyzmetshiler, quqyq qorǵaý organdarynyń qyzmetkerleri kezekke turýǵa quqyly», - dedi Talǵat Erǵaliev odaqtyń jiynda.
Onyń aitýynsha, atalmysh máseleni retteý úshin jańa baǵdarlamalar qajet.
«Sondyqtan, adamdardyń barlyq sanattary úshin turǵyn úige qoljetimdilik tek belgili bir sanattarda ǵana emes sharýashylyq josparlaý kásiporyndarynda jumys isteitin jeke sektor ókilderine, múmkindigi joq kásipkerlerge de arnalǵan baǵdarlamalar ázirleý qajet. Halyqtyń baspanaǵa muqtajdyǵyn qanaǵattandyrý úshin jan-jaqty qoldaý kerek», - deidi maman.
Ol, sondai-aq, baspanaǵa muqtaj adamdardyń jalpy sany týraly málimet aitty.
«Turǵyn úige muqtaj adamdar týraly aitsaq, bul shamamen 2 mln adamdai bolady. Jalaqydan jalaqyǵa deiin ómir súretin adamdarǵa qarjylandyrý qajet. Aitalyq, bastapqy jarnany 5% mólsherinde, al qalǵan qaryzdy olar 15-20 jyl ishinde tólei alatyndai e baǵdarlama qajet», - dep túiindedi Qazaqstan Qurylysshylar odaǵynyń basshysy.
