25 shilde saǵat 9.00-degi jaǵdai boiynsha eń tómengi jalaqy – 42 500 teńge mólsherinde birjolǵy tólem taǵaiyndaýǵa azamattardan 2,1 mln-ǵa jýyq ótinish qabyldandy. Tólem 1,7 mln adamǵa taǵaiyndaldy. Aqshalai qarajat 1 mln 676 myń qazaqstandyqqa aýdaryldy, dep habarlaidy "Ult aqparat".
Eńbek jáne halyqty áleýmettik qorǵaý ministrliginiń málimetinshe, ótinim birneshe arna arqyly qabyldanady.
2 millionnan astam ótinimniń ishinde:
– 804,4 myń adam proaktivti formatta tólem taǵaiyndaýǵa kelisim berdi;
– 521,1 myń adam Egov.kz portaly jáne telegram-bottar arqyly;
– 249,4 myń adam 42500.enbek.kz portaly arqyly;
– 524,5 myń adam ekinshi deńgeidegi bankterdiń mobildi qosymshalary men internet-resýrstary arqyly ótinish bergen.
Azamattardyń sanat bólinisinde:
– 804,4 myń ótinish biryńǵai jiyntyq tólem tóleýshilerden berildi (proaktivti formatta);
– 150,2 myń ótinishti jaldamaly qyzmetkerleri úshin jumys berýshiler berdi;
– 1 mln 144 myń ótinish azamattardyń basqa sanattarynan kelip tústi (jeke kásipkerler; jeke praktikamen ainalysatyn adamdar; azamattyq-quqyqtyq sipattaǵy sharttar boiynsha tabys alatyn jeke tulǵalar).
Tólem 1,7 mln adamǵa taǵaiyndaldy. Aqshalai qarajat 1 mln 676 myń qazaqstandyqqa aýdaryldy.
Esterińizge sala keteiik, Memleket basshysynyń tapsyrmasy boiynsha 2020 jyldyń shilde aiynda karantin engizilýine bailanysty jumys istep jatqan qazaqstandyqtarǵa tabysy tolyq joǵalǵan jaǵdaida 42 500 teńge tólenedi.
Ótinish qabyldaý 2020 jyldyń 1 qyrkúiegine deiin jalǵasady.
