Halyqaralyq boks federatsiiasy (IBF) ártúrli salmaq kategoriiasyndaǵy úzdik boksshylardyń jańartylǵan reitingin jariialady, dep habarlaidy "Ult aqparat" Sports.kz saityna silteme jasap.
Jartylai orta salmaqta IBF reitingine qazaqstandyq bylǵary qolǵap sheberi Daniiar Eleýsinov (10-0, 6 KO) endi. Eske sala keteiik, biylǵy qarasha aiynyń sońynda Eleýsinov ekinshi raýndta Djýliýso Indongony (23-3, 12 KO) tehnikalyq nokaýtpen jeńip, IBF Inter-Continental chempiony vakantty belbeýiniń iegeri atandy. Osy jeńisinen keiin ol reitingide 9-oryndy ielendi.
Aita keteiik, bul Daniiar Eleýsinovtiń kásibi mansabyndaǵy alǵashqy titýldyq jekpe-jegi bolatyn. Buǵan deiin qazaqstandyq boksshynyń promoýteri Eddi Hirn Daniiardy sharshy alańda amerikalyq nokaýter Virdjil Ortiske (16-0, 16 KO) qarsy kórgisi keletinin aitty.
