Qazaqstannyń birinshi, álemniń 17-raketkasy Elena Rybakina US Open týrniriniń ekinshi ainalymyna shyqty, dep habarlaidy "Ult aqparat".
Qazaqstandyq sportshy AQSh-tyń ashyq chempionatyndaǵy (júlde qory – 53,4 mln dollar) bastapqy kezdesýin reitingte 108-orynda turǵan ýkrainalyq Katarina Zavatskaiamen ótkizdi.
Birinshi setti E.Rybakina 6:3 esebimen óz paidasyna aiaqtasa, ekinshisinde múlde des bergen joq – 6:0.
Báseke 1 saǵat 8 minýtqa sozyldy.
E.Rybakina ekinshi ainalymda álemniń 93-raketkasy, amerikalyq Shelbi Rodjerspen sheberlik baiqasady. Ol reseilik Irina Hromachevany 6:2, 6:2 esebimen tize búktirdi.
