Qazaqstannyń memlekettik bas sanitar dárigeri Erlan Qiiasov elektrondy vaktsina pasportyn eGov mobile alýdyń joldaryn túsindirdi, dep habarlaidy "Ult aqparat".
Baspasóz-konferentsiiada jýrnalisterdiń suraǵyna jaýap bere otyryp, Erlan Qiiasov vaktsinalaý pasportynyń qandai bolatynyn sipattap berdi.
«Vaktsinalaýdyń tolyq tsiklinen ótken adamdar úshin, iaǵni eki doza alǵandarǵa eGov mobile bazasynda elektrondy pasport beriledi. Eger eGov mobile qosymshasyn qoldanýshy bolsańyz, uialy telefon arqyly ózińizdiń jeke paraqshańyzǵa kirip, jeke derekter baǵanyndaǵy tsifrlyq qujattardyń ishinen taba alasyz. Sol jerde vaktsinalaý pasporty shyǵyp turady. Vaktsinanyń qashan jáne qandai mekemede salynǵany, jaýapty dárigerdiń kim ekeni, derekterdi kim engizgeni týraly aqparattyń bári qamtylǵan» - dedi Erlan Qiiasov.
Onyń sózine qaraǵanda, elektrondy qujatqa qazir qazaq jáne orys tilderinde ǵana aqparat engizilgen. Aldaǵy ýaqytta aǵylshyn tilindegi trnaskriptsiiasy da engizilmek.
«Buǵan qosy qosymshaǵa kirgen kezde vaktsinalaý pasportynyń QR kodyn engizý múmkindigi jasalǵan», - dedi bas sanitar.
