Meditsina ǵylymdarynyń magistri, statsionarlyq jáne statsionardy almastyratyn kómek basqarmasynyń basshysy Aima Saǵyndykova eldegi infektsiialyq tósekterdiń júktelimi týraly málimet berdi, dep habarlaidy QazAqparat.
«4 tamyzdaǵy jaǵdai boiynsha elimizde 52 803 infektsiialyq tósek orny ashyldy. Respýblika boiynsha tósekterdiń júktelimi 56%-ǵa jetken. Shilde aiymen salystyrǵanda, tamyzda qosylǵan meditsinalyq uiymdardyń sany 326-dan 339-ǵa deiin, tósek sany 10 myńǵa artty. Infektsiialyq statsionarlardaǵy reanimatsiialyq tósek sany – 4 795, júktelim – 46%. Infektsiialyq tósekterdiń eń júktelimi Shymkent, Nur-Sultan qalalarynda, Qyzylorda jáne Qostanai oblystarynda, reanimatsiialyq tósekterdiń júktelimi Nur-Sultan qalasynda, Mańǵystaý jáne Atyraý oblystarynda baiqalady», - dedi Aima Saǵyndyqova ortalyq kommýnikaiialar qyzmetinde.
Onyń aitýynsha, epidemiologiialyq ahýal kúrdelengen jaǵdaida koronavirýstan emdeý úshin qosymsha 12 myń infektsiialyq tósek jáne josparly meditsinalyq kómekti toqtatpai 550 reanimatsiialyq tósek ornalastyrý múmkindigi bar.
