Qazaqstanda epidemiologiialyq jaǵdaidyń birtindep turaqtanýy baiqalady. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy QazAqparat.
«Pandemiia bastalǵannan beri álemde koronavirýs infektsiiasynyń 220 mln-nan astam jaǵdaiy tirkeldi, ókinishke orai 4,5 mln-nan astam adam qaza boldy. Qazaqstanda, 8 qyrkúiekte koronavirýstyń oń nátijesimen 824 myńnan astam jáne koronavirýstyń teris nátijesimen 71 myńnan astam jaǵdaiy tirkeldi. KVI-men aýyratyn naýqastardyń shamamen 88 paiyzy, onyń ishinde KVI-ge oń nátijemen 734 myńnan astam naýqas jáne KVI-ge teris nátijemen 59 myńnan astam naýqas saýyǵyp shyqty», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, epidemiologiialyq jaǵdai matritsasyna sáikes, Qazaqstan Respýblikasy jáne eldiń 12 óńiri «qyzyl» aimaqta ornalasqan. Sońǵy aptada «sary» aimaqqa 4 oblys aýysty. Bul – Shyǵys Qazaqstan, Jambyl, Soltústik Qazaqstan jáne Qyzylorda oblystary. «Jasyl» aimaqta Túrkistan oblysy tur.
«Sońǵy 2 aptada Qazaqstanda epidemiologiialyq jaǵdaidyń birtindep turaqtanýy baiqalady. Tamyz aiymen salystyrǵanda syrqattaný deńgeii 1,4 ese tómendedi», - dedi Marat Shoranov.
