30 qyrkúiekte Qazaqstanda 2096 adamnyń analizinen koronavirýs anyqtaldy. 2661 adam koronavirýstan jazylyp shyqty. Densaýlyq saqtaý ministrliginiń 1 qazan kúngi habarlamasynda osyndai málimet jazylǵan.
Ótken táýlikte Almaty qalasynda 500-ge jýyq naýqas tirkelgen. Nur-Sultan (284) men Almaty oblysynda (233) koronavirýstyń kúndik kórsetkishi 200-den asqan. Qalǵan oblystar men qalalarda odan az naýqas anyqtalǵan.
Qazir "qyzyl aimaqta" eki qala men bir oblys qaldy: Nur-Sultan men Almaty qalalary, Pavlodar oblysy. Túrkistan, Jambyl, Mańǵystaý jáne Qyzylorda oblystary "jasyl aimaqta". Qalǵany "saryda" tur.
Indet bastalǵaly beri 886 myń adamnyń PTR testi oń shyqqan. Basym bóligi jazylǵan. 11 220-y qaitys bolǵan. 29 qyrkúiekte 42 adam kóz jumdy. Koronavirýs juqtyrǵany rastalǵan 3123 adamnyń ólimi osy indetten qaitys bolǵandardyń statistikasyna kirmei qalǵan.
Densaýlyq saqtaý ministrligi byltyr tamyzdan beri esepke ala bastaǵan koronavirýs pnevmoniiasyna shaldyqqandar 75,8 myń adamǵa jetti. 4835-i qaitys bolǵan. 27 qyrkúiekte koronavirýs pnevmoniiasyna shaldyqqandar arasynda 7 adam ólimi tirkeldi. 168 adamǵa koronavirýs pnevmoniiasy diagnozy qoiyldy.
Qazir 60 myń adam koronavirýstan emdelip jatyr. 10 myńy – aýrýhanada. 805 adamnyń jaǵdaiy aýyr. 221 patsient hál ústinde jatyr. 139 adam jasandy tynys apparatyna qosylǵan.
Densaýlyq saqtaý ministrliginiń málimetinshe, tamyzdyń sońynan beri naýqastardyń azaiýyna bailanysty Qazaqstanda 57 kovid statsionary jabylǵan.
6,5 mln adam koronavirýsqa qarsy vaktsinanyń tolyq dozasyn alǵan. 1,1 mln adam ekinshi dozasyn kútip otyr.
