Qazaqstannyń Tuńǵysh Prezidenti kórnekti ǵalym, Qazaqstan Respýblikasy Ulttyq ǵylym akademiiasynyń akademigi Nádir Kárimuly Nádirovtiń qaitys bolǵany týraly sýyt habardy kúizelispen qabyldady. Bul týraly Elbasynyń baspasóz qyzmeti habarlady.
«Nádir Kárimuly sanaly ǵumyryn munai ǵylymy men injenerlik salany damytýǵa arnap, kásibi biik belesterdi baǵyndyrdy jáne ǵylymi qoǵamdastyq tarapynan keńinen moiyndaldy. Ol sheber uiymdastyrýshy ári bedeldi ustaz retinde ǵalymdar men pedagog mamandardyń tutas býynyn tárbieledi. «Barbang» Qazaqstan kúrdteri qaýymdastyǵynyń qurmetti prezidenti kezinde elimizdegi qoǵamdyq kelisim men ultaralyq tatýlyqty nyǵaitýǵa zor úles qosty», – delingen jedelhatta.
