Qazir Qazaqtanda daýly másele QTL bolyp otyr. Túrkiia Prezidenti Erdoǵan “olar - qaýipti, jaýyp tastaý kerek” dese, Qazaqstan jaǵy: “ol mektepter bizge kerek, sapaly bilim beredi, onyń túlekteri halyqaralyq olimpiadalarda medaldardy kóptep alýda jáne muǵalimderi 90 paiyz qazaq, sondyqtan jappaimyz”, - deidi. Bul - durys kózqaras. Túrkiia - basqa el, Qazaqstan - basqa el. Sonsoń eki eldiń jaǵdailary da ózgeshe. Rasynda da bul mektepterdiń beretin bilimine sóz joq.
Eger, bul mektepter taza bilim berip igi, onda olarda eshkimniń sharýasy bolmas edi. Biraq sol mektepterdegi balalar erteńgi ýaqytta mektepti bitirip, sot, armiia jáne úkimet syndy bilik oryndaryna kóterilgende: "Gúlenge qul bolý, sonyń aitqanyn buljytpai oryndaý" jaiynda úgit-nasihat berilip jatsa, onda ol - qaýipti.
15 shilde kúngi Túrkiiadaǵy jaǵdai. Oǵan deiin árkim, eń basynda oppozitsiiadaǵy partiialar bolyp Erdoǵandy Gúlenge orynsyz shúiligip jatqany týraly kinálaǵan edi. Biraq munyń shyndyq ekeni 15 shilde kúni belgili boldy. Onyń negizgi uiymdastyrýshy jáne oryndaýshylarynyń Gúlen men Gúlen mektepteriniń túlekteri ekenine oppozitsiianyń da, basqalardyń da kózi jetip otyr.
Múmkin Gúlen mektepteri mundai bir adamǵa qulshylyq etýdi tek Túrkiiadaǵy, iaǵni óz elinde qana úgittep, ózge elderde taza ǵylym jáne bilimmen shuǵyldanyp jatqan shyǵar. Muny óz basym men bilmeimin, kóp adam da bilmeitin shyǵar. Mine, Elbasynyń keshe Ankarada aitqany osy edi. “Muny tekseremiz, eger ondai bar bolyp jatsa, tiisti sharalardy qoldanamyz”, - dedi. Keshe Anqarada, Elbasy QTL-dardy tekseremiz degende, osy máseleni aitpaq bolǵan. Tilegimiz mynadai: "Jeke basqa tabynýshylyqqa úgitteitin maqsat QTL-de bolmasyn, Qazaqstan tóńkeristik áreketterden aman jáne tynysh bolsyn!"
Ábdiýaqap Qara
Mimar Sinan Kórkem Óner Ýniversitetiniń professory, tarih ǵylymynyń doktory
Ult portaly
.jpg)
